Jowai, Naiwieng 08: Ka Election Commission jong ka Ri India, kala ai hukum ban pynbiang ïa ka Draft Photo Electoral Roll jong ki Assembly Constituency haka District katkum ka 01.01.2024.
Halor kane, kito ki Nongshong Shnong kiba la dap 18 snem ka rta katkum katei ka tarik, ki bym pat don kyrteng haka Draft Electoral Roll ki lah ban pynrung kyrteng ïalade ha ka Polling Station ba ki shong ki sah, kumjuh ruh ban ot ne weng kyrteng ïa kito ki ba la ïap ne phet shnong noh bad ïa ki jingbakla ruh yn pynbeit ha kane ka por.
Ha ka jingïadei bad kane, ïa ka Draft Photo Electoral Roll lah pynmih ha ka 27.10.2023 ha ka ophis jong u District Election Officer, ki Electoral Registration Officer bad lyngba ki Booth Level Officers ha ki Polling Station. Ïa ki jingtyrwa bad jingdawa ne jingujor kyrteng yn pdiang naduh ka 27.10.2023 haduh 09.12.2023.
Ha kaba ïadei bad kane ka kam la kyrpad jur ïa baroh ban ïa snoh kti bad ka ophis dakaba don ryngkat bad ki briew jong ka ophis ki ban wan pynlong ïa ka awareness programme kum shi bynta jong ka SVEEP programme naka bynta ki jingpynrung kyrteng bad ruh ban pynshai ïa ki kam kiba ïadei bad ka General Election to Lok Sabha (MP) ka ban sa long ha u snem 2024 katkum ka programme ba la pynbeit.
Ka kyntu da ka jingïatreilang jong ki Market Committee kan ïarap ïa ka ophis bad ka Sorkar ruh kumjuh khnang ba ka kam ka long kaba ïaid beit bad kaba jop ha ka ban pynïoh ïa ka Photo Electoral Roll kaba beit, ba khuid bad ba paka.
