Jowai, Naiwieng 20: Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long ha ka 20 tarik u Naiwieng ha madan Kiang Nangbah Stadium, Dongmihsngi Jowai.
Ha katei ka sngi ka Shangpung Lumiawmushai kala pynliem noh da 2-1 kol ïa ka Sailung Ialong. Kine ki ar kol na ka Shangpung Lumiawmushai la thep da u Salanbhami Suchiang (13 & 66 minit). Katba ïa ka shikol na ka Sailung Ialong la thep da u Budhokmiki Rymbai haka minit ba 6.
Shuwa kane, ka jingïakhun hapdeng ka Mukhla Raij SC bad ka Nangbah Mulang kala kut ha ka jingïakhaid da mar shikol, ïa ka kol na ka Mukhla Raij SC la thep da u Deni Suna haka minit ba 80. Katba na ka Nangbah Mulang la thep da u Precious Tang haka minit ba 2.
La pyntip ka jingïakhun mynta ka 21 tarik u Naiwieng, 2024 ka long hapdeng ka Ladthadlaboh SC pyrshah ïa ka Demthring ha ka por 11 baje mynstep. Katba ka Wahiajer kan ïakhun pyrshah ïa ka 7 Wasa United ha ka por 2 baje nohphai sngi.
