Jowai, Naiwieng 22: Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai kaba la long hynne ka sngi Balang ha madan Kiang Nangbah Stadium, Dongmihsngi Jowai.
Haba phai sha ka jingïakhun naka liang ka kynhun ïalehkai jong ka Ladthadlaboh kala lah ban pynliem da 2-0 kol ïa ka Mukhla Raij SC, ïa kitei ki kol na ka Ladthadlaboh la thep da u Ejingmut Dkhar marwei haka minit kaba 77 & 82.
Katba na ka liang ka Mukhla Raij kala pyrshang katba lah ban pynphai ïa kitei ki kol hynrei ka jingskhem ki bak ka Ladthadlaboh ka la shem jingeh bad khlem shym la ïoh pynphai wat tang shi kol.
La pyntip ba ka jingïakhun mynta ka sngi 23 tarik Naiwieng, 2023 kan long hapdeng ka Shangpung Lumiawmushai pyrshah ïa ka Nangbah Mulang haka por 1 baje shiteng nohphai-sngi.
