Khliehriat, Nohprah 03: Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 03 tarik u Nohprah, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong ka kynhun ïalehkai jong ka Ladrymbai-B SC kala pynliem da 1-0 kol ïa ka R.Ïawpynsing SC, ïa katei ka shikol na ka Ladrymbai-B SC la thep da u Rimetre Lyngdoh haka minit ba 45.
Related Posts
Ha ka jingïakhun kaba ar ka Thangskai Tiger SC kala pynliem da 4-0 kol ïaka Khliehriat West YWSC, ïa ki kol na ka Thangskai Tiger SC la thep da u Pynthymme Rymbai haka minit ba 9 & 57 (Penalty), u Pher Syrti haka minit bad 36 bad u Longprem Dera ha ka minit ba 74 jong ka kylla miet.
La pyntip ba ka kynhun R.Ïawpynsing SC hadien ka jingshah rem kala hiar kyrdan sha ka 1st Division haka aiom ïalehkai ban wan.
Ka jingïakhun haka sngi 4 tarik u Naiwieng kan long hapdeng ka Dhana SC pyrshah ïaka Chiehruphi SYWSC haka por 11:45 am, katba ka Sutnga SSCC pyrshah ïa ka R.Shkenshynriah SC haka por 2:15 baje janmiet.