Nongstoiñ, Nailar 7: Kawei ka longkmie ba la tip kyrteng ka kong Bibimoris Lyngdoh 21 snem ka karta, la suba ba ka shah pynïap ha la ka jong ka Ïing sah ha ka shnong Nongtraw Pyndenkyna jong ka thaiñ Maweit West Khasi Hills. Kane ka jingjia ka la jia ha ka miet sngi saitjaiñ.
Ïa ka metïap jong kane ka Longkmie la lap hi da u tnga u Bah Badonbor Rongrin u ba dei na ka shnong Riangkaiñ, ha ka por ba u dang wan phai ïing na ka jingleit khwai doh na wah.
La ïathuh ba u ne u kurim, mar syn lap ïa kane ka jingjia ha ka por 12 baje ei ei shiteng synñia, u la leit ban kyrsiew thiah ïa u Kynum khatduh na Ïing bad pyntip ba u lap ïa ka hynmen jong u ba ka la ïap ha Ïing.
Katkum ka khubor Pulit la ïathuh ba ki don ki dak ki shin kiba paw kumba kane ka longkmie ka la shah teh da ka jaiñ na shyntur bad ruh ka dien tyllai ha u ryndang. Ki Pulit ki la register case halor kane ka jingjia bad ka jingtohkit ka la ïaid shakhmat.
