Shillong, Nailur 25: Ka jingïalehkai jong ka lympung SSA U-20 4th DIVISION Football League 2023 kaba la long hynne ka Lah Sngi U Blei hapdeng ka Umsohsun SC pyrshah ïa ka Mawklot SC ka la jam sha kaba kut ha kaba ka Umsohsun SC ka la khur ïa ka namjop kaba suk da 3-0 kol.
Ka Umsohsun SC ka la ïoh ban thep ïa kine ki lai kol baroh ha ka kylla kaba ar, bad la pynkhihjar nyngkong da u Khrawkupar Roi Syiemlieh ha ka minit ba 54 bud sa ka kol na u Banteilang Thabah (66 min) bad ka kol kaba khadduh la thep da u Donkam Marngar (58 min) ban pynthikna namjop ïa ka kynhun.
Mynta ka sngi ka jingïakhun kan long hapdeng ka Umrynjah SC pyrshah ïa ka Mawlynrei SC bad ka por kan long 5:30 jan miet, ha madan 3rd Ground MFA Turf Polo.
