Shillong, Nailur 06: Ki ar tylli ki jingïalehkai jong ka lympung SSA U-20 4th DIVISION Football League 2023 kaba la long hynne ka Sngi Balang ha madan 3rd Ground, ka la kut ha kaba ka Laitkroh SC lem bad ka Pommura SC ki la khur ïa ka namjop.
Shuwa ban sdang ïa ka jingïalehkai la ïoh ban pynlong ïa ka jingsngapjar shi minit (lai sngi lynter naduh 4 tarik haduh hynne ka sngi) kum ka dak jingsngewlem halor ka jingkhlad noh u Bah Dibustar Marbaniang, Vice President ka SSA.
Haba phai sha ka jingïalehkai kaba nyngkong, ka Risa Colony SC ka la mad ïa ka namrem da 1 – 2 kol ha ka Laitkroh SC, na ka bynta ka Risa Colony SC ka shi kol la thep da u Saryngkat k Marbah (37 min). Katba ïa ka Laitkroh SC la thep da u RonnyStar Lyngdoh (14min) bad u Samlanghaki Warlarpih (43min).
Ha ka jingïalehkai kaba ar, ka Pommura SC ka jop salit da shi kol ïa ka Diengpasoh, bad kane ka shi kol la thep da u Andy star Kharsati- (54min).
Mynta ka sngi ka Lamlynti SC pyrshah ïa ka Iatyllilang SC, katba ka Lumpyngngad SC pyrshah ïa ka Laitlulong SC.
