SHILLONG, Nailar 05: Ka Madan S&CC bad ka Mawpat SC ki la jop da kaba suk ïa la ki jong ki jingïalehkai ha ka lympung Shillong Sports Association Second Division Football League 2026, hynne ka sngi Balang ha Polo.
Ha SSA Ground, ka Madan S&CC ka la pynjemkhnap da 6-0 ïa ka Marbisu SC, ha kaba u Daiaki Shadap (7, 71, 83 & 89’) u la long u namtam, da kaba pynkhihjar haduh saw sien. Ki ar tylli kiwei pat ki kol la thep da u Wankmen Lyngdoh (45+1) bad u Phermanbha Lyngdoh (59’).
Ha MFA Ground, la sakhi ïa ka Mawpat SC kaba la pynliem da 5-0 ïa ka Lumshyiap SC.
Kumjuh ha kane ka jingïalehkai u Donboklang Lyngdoh (10, 57, 66 & 71’) u la thep saw kol marwei, katba u Everson Malieh (47’) u la thep kawei.
