SHILLONG, Risaw 16: Ka Nongrim Hills SC ka la sdang ïa ka jingïakhun Bottom League jong ka ha ka SSA First Division 2026 da kaba pynjemkhnap haduh 6-0 ïa ka Ryntih SC hynne ka sngi Thohdieng ha SSA Ground, Polo.
U Grenny Lynrah (27, 33 & 49’) u la thep hat trick na ka bynta ka Nongrim Hills, katba u Onyxson Bohroy (4 & 69’) u la noh synñiang ar kol nangta u Heimand Dkhar (53’) kawei.
Related Posts
Ha kawei pat ka madan, ha MFA Ground ka Laitkyrhong SC ka la pynliem da 1-0 ïa ka Mawtawar SC, bad ïa kane ka kol la thep da u Pyniaidlang Songthiang ha ka minit kaba 20.
Tang ar tylli ki kynhun ki lah ban lait na ka jingshah pynhiar kyrdan katba ki ar tylli kiwei pat kiba pyndep sha trai duh napdeng kine saw tylli kin shah sloit sha ka Second Division ha u snem ban wan.