Shillong, Ïaiong 27 : Ka All Meghalaya Dancer’s Association (AMDA) ka la phah ka jingsngewlem halor ka jingkhlad kyndit i samla Haphi Lyngdoh iba dei iwei na ki nongshad ba tbit bha jong ka jylla.
Ha u kyrwoh, ka AMDA ka la phah ruh ïa ka jingsngewlem sha ki kmie ki kpa bad ki bahaiing ha sem jong itei i samla ba la khlad noh.
“Ka Seng ka dap da ka jingsngewsih halor ka jingkhlad kyndit noh i samla Haphi Lyngdoh i nongshad ba ju don ryngkat lang bad ka Seng bad i ba ju ai mynsiem ïa ka Excutive commitee na ka por sha ka por. Ngi na ka Excutive Commitee ngi buh ruh ha ki jingduwai kyrpang ba u Blei ka jingsuk un don ryngkat ha ki ksangkti ka Hima ka jingsuk shaduh ki bymjukut,” ong ka kyrwoh ba la pyllait da u President Bah Kitbok Thabah bad u Secretary u Bah Darwin L Mawphlang.
