Mawkyrwat, Nailur, 21: Ka Khasi Jaiñtia Deficit School Teacher Association (KJDSTA), Mawkyrwat Zone ka la pynlong ïa ka General Meeting ha Dorbar Hall, Mawkyrwat ban ïathir ïa tai sani halor ki kam kiba ïadei bad ki nonghikai skul Deficit bad kumno ban pynïaid shaphrang ïa ki kam kiba ïadei bad ki skul.
La pynskhem ruh ïa ki nongkitkam ba thymmai na ka bynta ka samoi treikam jong u snem 2025–2027, ha kaba la jied President ïa u Babu Nicholas Tympuin, Secretary Babu R. Marbaniang bad kumjuh ruh ïa ki 24 ngut ki dkhot jong ka KJDSTA, Mawkyrwat Zone.
Hadien ka jingïalang, u Adviser jong ka KJDSTA, Mawkyrwat Zone Babu u W.L. Snaitang haba ïa kren bad ki lad pathai khubor u la ai khublei kyrpang ïa baroh ki nonghikai hikai skul Deficit kiba kynthup ïa ka Mawkyrwat bad ka Ranikor C&RD Block bad pyntip ruh ba ha ka jingïalang la shim rai ba baroh ki skul kiba hap hapoh ka Deficit kin ïatreilang bad ka tnad Pule Puthi ka Sorkar Jylla khamtam ha kaba ïadei bad ka Meghalaya Education Grant (MEG).
