Shimti biang u Bah Metbah Lyngdoh kum u President rangbah ka UDP
![](https://mawphor.com/wp-content/uploads/2023/01/Metbah-1.jpg)
Shillong, Nailar, 12: U Bah Metbah Lyngdoh mynta ka kynti u la shah jied biang ha ka sien kaba ar ban bteng kum u nongïalam ba rangbah duh jong ka United Democratic Party (UDP) na ka bynta ka samoi treikam jong u snem 2023-2026.
Ïa ki nongkitkam la pynskhem ha ka General Council jong ka UDP kaba la long ha ka sngi Saitjaiñ ha ophis treikam jong ka party ha nongbah Shillong.
Kiwei pat ki nongkitkam jong ka party kiba la shah jied ha kane ka sngi ki long u Dr. Jemino Mawthoh kum u General Secretary, ki Working President ba kynthup ïa u Bah Paul Lyngdoh, Bah Titostarwell Chyne, Bah Nujorki Sungoh, Bah Lahkmen Rymbui, Bah Donbok Khymdeit, Bah Renikton Tongkhar, u Rikman Sangma bad u LC Momin.
Ki vice president ki kynthup ïa u Bah Allantry F. Dkhar, Bah Process T. Sawkmie, u Bah Shitlang Pale bad u Bah Mayral Born Syiem.
Katba ki Secretary ki long u Bah Lasky Rymbai, Bah Jambor War, Bah Balajied Rani, Bah Mitchel Wankhar, Bah Winning Sungoh, Bah GG Bung Snaitang, Dr. Aman War, Bah Teinwell Dkhar bad u Bah Monarch Shabong.
Ki Joint Secretary ki long u Bah Ryngkat Lyndem, u Bah Sunshine Makri, u Bah Anvil Lyngdoh bad u Bah Tirot Sing Suchiang, Finance Secretary Bah Michael War, Joint Finance Secretary Bah Markynsai Khongwit bad Treasurer Bah Beyondstar Kurbah.
Ha kane ka jingïalang, la pynskhem biang ïa ka Kong Pretty Kharpyngrope kum ka President jong ka Womens Wing bad ka Kong Wandashisha Rynjah kum ka General Secretary.
Nalor kine ki nongkitkam la jied ruh ïa u Bah Kyrmen Shylla kum u President jong ka Youth Wing bad u Bah Balajied Synrem kum u Secretary, katba u Bah Olan Sing Suin u la shah jied kum u President jong ka Farmers Wing, u Bah Synshar Lyngdoh Thabah kum u General Secretary bad u Bah Reminton Pyngrope kum u Joint Secretary.
La thung ruh ïa u BG Momin kum u Advisor jong ka party.
Ka Party ka la shim ruh ïa ka rai ba ïa ki dkhot na rilum Garo yn sa thung ynda la pyndep pynlong ïa ka jingïalang bakyrpang ka ban sa long shen.