Jowai, Nailar 30: Ka Ophis treikam jong ka Public Health Engineering (PHE), RWS Jowai, West Jaintia Hills District, ha ryngkat ka jingïatreilang bad ka District Sports Office, West Jaintia Hills District, ha ka 29 Tarik u Nailar 2026 (Sngi Saitjaiñ), ka la pynlong ïa ka jingïakop mareh thong lane ka Marathon.
Baroh ki nongïashim bynta (kynthei bad ki shynrang) ki la poi haduh 200 ngut. Ha kaba kut jong ka jingmareh, la pynlong ïa ka jingïalang ba lyngkot ha Jrisalein Ground.
Ïa ki khusnam sha ki nongjop la sam da u Bah P. Lyngdoh, uba long ruh u Chairman ka Jowai Municipal Board.
Nalor ki nongjop ka la don ka jingsam khusnam kyrpang sha ki nongïashim bynta ba khynnah tam (Youngest) bad ba rangbah tam (Eldest) kiba la khur ïa ka song pisa kaba mar Rs 1000.
Ka Marwa Shylla ka la long nongjop napdeng ki kynthei da kaba pyndep ïa ka jingmareh hapoh 26:49 minit, bad ka khur ïa song pisa kaba Rs 10,000, hadien jong ka la wanbud ka Happiness Phawa (2nd Prize (27:22) bad khur ïa ka song pisa kaba 7,500, bad ka Pynbait Shylla (3rd Prize (27:33) ryngkat ka khusnam pisa kaba 5,000 tyngka.
Na ka liang ki Shynrang, u Junom Phawa u la jop ïa ka kyrdan ba nyngkong (39:26) bad khur ïa ka song pisa kaba 10,000 tyngka, bud sa u Wandathrang Phawa (2nd Prize (39:36) uba la jop ïa ka khusnam pisa kaba Rs 7,500, bad u Sanctify Pale (3rd Prize (40:12) bad khur Rs 5,000.
