New Delhi, Nailur 27: Ka Election Commission jong ka Ri India ha ka jingialang kaba la long ha ka sngi Saitjaiñ 26/9/2026 ka la shim ïa shibun ki rai ha kaba ïadei bad ka SIR kaba dang ïaid mynta.
Lada don mano mano kiba la ïoh ïa ka jingpyntip ha ka por ba pynlong ïa ka SIR kaba dang ïaid mynta, namar ka jingbym don kyrteng ne kino kino ki jingartatien, ki BLO kin leit sha ki ïing jong kum kine ki briew ban lum ïa ki kot ki sla bad hadien kata kin buh ïa ki ha ka ECINet, na ka bynta ban rai da ka ERO.
Ym donkam ban khot ïa kum kine ki briew ban bishar sha ka ophis jong ka ERO/AERO. Tang ha ki khep ba kyrpang, katkum ba la rai da ka ERO, yn kham bha ban pynlong ïa ka jingbishar lyngba ka lad online. Uno uno u dkhot ba la rangbah jong ka longïing u lah ban ïoh bor na u nongjied ban wan sha ka jingbishar na ka bynta jong ki, lada donkam. Yn pynkhlaiñ ïa ki jingdonkam na ka bynta ka jingbishar online.
Ki DEO (District Election Officer) kin buh ïa ki help desk katkum ka jingdonkam/ pynlong ïa ki camp ba kyrpang na ka ka bynta ki briew kiba sah ha ki jaka ba ai sah miet, ki nongbylla, ki briew kiba duk, ki bym don ïing don sem bad kiwei kiwei katkum ka jingdonkam.
Ïa ka jingpynbna ba la pynïasoh bad ka Form 6 na ka bynta ka SIR la pynskhem da ka iingbishar Supreme Court ba donburom. Na ka bynta ka por bym leh ïa ka SIR, yn pyndonkam da ki Form kiba iadei katkum ki Rules (the Registration of Electors Rules 1960).
Ki Field Officer ki don ka lad ban ioh ia ka rukom treikam jong ka ECINET katkum ka bor jong ki katkum ka ain. Ka Committee kaba la khlieh da u Sr. Deputy Election Commissioner (DEC) bad kynthup ruh ïa u riewshemphang ba laitluid na ka IIT/IIIT kan bishar bniah ïa ka ECINET ban peit bniah arsien ba ka ïahap bad ïa ki kyndon jong ki Aiñ bad ki Kyndon bad ban aiti ïa ka kaiphod sha ka Commission.
La dep ban wanrah ia ki jingpynbha ia ka portal katkum ki jingai jingmut na ki CEO jong ki Jylla ha kine ki khyndiat bnai ba ladep. Lada jia ba donkam kano kano ka jingpynkylla kaba kham bniah da ki field officer, yn pyntreikam ia kata. Nangne shakhmat, baroh ki sienjam ba thymmai shaphang ki IT Module bad ki Portal yn sa ïakren hapoh ka Committee of Officers (COO) shwa ban mynjur da ka Commission.
Halor ka jingkyrpad ba la ioh na u CEO Delhi, ia ka por ban phah ia ki jingkyrpad bad ki jingpyrshah la pynjlan da ka Commission haduh ka 30 tarik u Risaw, 2026. Ia ka por ban pyndep ia ki jingai jingpyntip bad ki jingkam bad ki jingpyrshah la pynjlan haduh ka 30 tarik u Naiwieng 2026.
Kumjuh ruh, katkum ka jingkyrpad ba la iohpdiang na u CEO jong ka Maharashtra, la pynjlan ia ka phah ban phah ia ki jingkyrpad bad ki jingpyrshah ha Maharashtra da ka Commission haduh ka 12 tarik u Risaw, 2026. Ia ka por ban pyndep ia ki jingai jingpyntip bad ki jingkyrpad & ki jingpyrshah ha Maharashtra la pynjlan haduh ka 10 tarik u Naiwieng 2026.
Na ka bynta baroh ki jingialang jong ka Commission, yn ai jingtip lypa shaphang ki mat iakren bad yn pynmih ia ki minit. Ki APAR {Annual Performance Appraisal Report} jong baroh ki ophisar yn pyndep hapoh ka por ba la buh, kata, ha ka 31 tarik u Nohprah man la u snem.
Yn shim ia ka jingmynjur jong ka Commission na ka bynta ki jingleit shabar ri jong ki ophisar. Baroh ki jingbthah ba la pynmih da ki Commissioner sha ki ophisar jong ka Commission dei ban bud ryntih bha.
Ia ka SIR la pyndep ha ki 20 tylli ki Jylla/UT ba kynthup ia ka Bihar bad West Bengal. Uno uno u briew u bym mih kyrteng ha ka por jong ka SIR ne hadien kata, bad uno uno u briew kynthup ïa ki samla/ nongthep vote ba nyngkong, ki lah ban aplai sha ka ERO ba dei peit, ban pynrung ïa ki kyrteng jong ki ha ki thup jong ki nongthep vote hapoh ka jingpynthymmai kaba man ka por.
La bthah ia ki CEO ban plie lad ia kane. Ki CEO, ki DEO, ki ERO kin sa sdang mardor ïa ka prokram kaba kyrpang na ka bynta ban pynrung kyrteng ïa kine ki nongjied.
La pynkynmaw shuh shuh ba, ka shithi sha u Cabinet Secretary kam dei kaba iadei bad kano kano ka kam polisi jong ka Commission lane IT division hynrei kadei kaba iadei bad ka jingtreikam jong uno uno u ophisar ha ka deputation sha ka ECI.
Ki hukum ban phah kylla ia ki nongtrei kam ba la ai da u ophisar ba dei peit kim shym la pyntreikam satia hadien ka jingbthah jong ki arngut ki Commissioner bad ka jingpeit bniah ia ka IT division da ka DEC kam shym la weng satia satia.
Ha kine ki bnai ba la dep, ka Commission ka la shim shibun ki rai kynthup ia ka SIR ha kylleng ka ri. Ia ka hukum na ka bynta ka SIR kaba la pynmih ha ka 24.6.2025 na ka bynta baroh ki Jylla/UT, kaba sdang na Bihar, bud sa ka West Bengal bad 30 tylli kiwei pat ki Jylla/UT la pynmih da ka jingmynjur lang jong ka Commission.
Ia kajuh la pynskhem da ka Supreme Court of India da ka hukum jong ka ha ka 27.5.2026. Ia ka por na ka bynta ka SIR na ka bynta ki 12 tylli ki Jylla bad UT la pynmih ha ka 27.10.2025 bad ia ki 19 tylli ki Jylla/ UT la pynmih ha ka 14.05.2026 da ka jingmynjur lang jong ka Commission. Ia ka jingkhein ba khatduh jong ka jingdon ki nongjied yn sa tip tang hadien ba la dep pynmih khatduh ha ki 12 tylli ki jylla kiba dang sah jong ka Phase-III.
U CEO Goa u la bthah ïa ki BLO kiba dei peit ban pynlong ïa ka jingleit sha ki ïing jong ki nongthep vote ki bym mih kyrteng ban shim ïa ki phorm jong ki. 81 ngut ki nongthep vote na ki 97 ngut ki la dep ban pyndap ïa ka Form 6 ban ïoh rung.
Ïa kane ka kyrwoh la pynmih katkum ki rai jong ka jingïalang jong ka Commission kaba la long ha ka 26.09.2026 bad la ïoh ïa ka jingmynjur jong ka Commission ba pura.
