Shen yn thungkam ïa ki nonghikai, hadien ba ladep pynkhreh ïa ka Roster, ong u Director SEL

Shillong, Rymphang 20: Ka Sorkar jylla ka la pyntip ba shen kan pynlong biang ïa ka jingthungkam ïajan 1000 ngut ki kam hikai kiba la thylli shsien ba la pyndep bad ban pynkhreh ïa ka roster system.
Haba pyntip ïa kane ha ka sngi Palei u Director of School Education & Literacy (DSEL) Swapnil Tembe u la ong, “Kumba ka long mynta dang bishar ïa ka roster system bad shisien ba la pynkhreh bad mynjur ngin pynïaid noh shakhmat ïa kane ka jingthungkam. Ha kajuh ruh ka por ka la long kaba la khreh ban thung kam ïa ki nonghikai ha baroh ki kyrdan jong ki skul sorkar.”
Katkum ka jingong jong u, ki don haduh 500 tylli ki kam hikai kiba lait ha ki skul sorkar ba kynthup hapoh ki skul lower primary, kumba 10-20 ngut ha ki upper primary school bad 200-300 ha ki skul secondary. Ha kawei ka liang ki don ruh ki kyndon ba lah ban thung ïa ki nonghikai substitute ha ki jaka ba thylli ha ki secondary school ban pynthikna ba ki khynnah pule kin ym shah ktah.
`Na ka bynta kiwei ki skul ka rukom pynbeit ïa ki rukom thungkam ka dang long kaba kongsan na ka bynta ka jylla. “Ngi dang ïaid shaphrang ha kaba ïadei bad kane ka kam bad shisien ba la dep ka kam yn sa lah ban pyndap ïa baroh ki kam kiba thylli,” u la ong.
Lah ban ong ba ha u snem 2023, ka sorkar ka la thung kam palat 1000 ngut ki nonghikai.