Mawkyrwat, Jymmang 13 : Ka South West Khasi Hills District Chess Association (SWKHDCA) ha ryngkat ka jingïatrei lang ka ophis jong u District Sport Officer (DSO), South West Khasi Hills kan pynlong ïa ka 4th South West Khasi Hills District Chess Championship 2025 ha ka 16-05-2025 ka ban long ha Maharam Goveenment Higher Secondary School Auditorium, South West Khasi Hills District.
Ki bynta ne category ki long saw tylli kata ki shynrang bad kynthei lane male/female open category bad ki khynnah pule ne male/female student category. Ngin pynlehïakai ruh da ka Siwss System ba kan don haduh 5 round ïa baroh ki bynta.
Ka jingthmu jong kane ka lympung ïalehkai ka long ban jied ïa ki ‘rang bad ki ‘thei ïalehkai chess jong ka South West Khasi Hills District ba kin sa leit ban mihkhmat sha ka State Level ka ban sa long ha u bnai Jylliew (June), 2025.
Namarkata, la wer bad khot ïa baroh ki nongshong shnong jong ka dong ka thaiñ hapoh ka South West Khasi Hills District ban wan ïashimbynta ha kane ka lympung ïalehkai chess.
Na ka bynta ki jingtip ba khambniah lah ban phun ha 9366305212/8729832278.
