SHILLONG, ïaïong 08: Ka Upper Shillong Sports Social & Cultural Association (USSS&CA) ka la pynbna ba shen kan sa pynlong ïa ka sienjam ba 15 jong ka lympung A.S Khongphai Memorial Under 16 Football Tournament 2026.
Kumta na ka liang jong ka seng ka khot bad wer ïa baroh ki kynhun/Club/Shnong kiba hap hapoh ka thaiñ Upper Shillong kata naduh Lummawbah haduh Mawnianglah.
Kiba kwah ban ïa shim bynta ha kane ka Tournament kin sngewbha ban pynpoi ïa ka bai rung (Entry Fee) hashwa ka 25 tarik ïaïong, 2026 da kaba phone ha ki number ba la buh: 8837074623, 9366809190, 8802223441.
Kane ka long katkum ka kyrwoh na u Football Secretary ka USS&CA.
