Jowai, Ïaïong 28: Ka ophis jong u District Sports Officer West Jaiñtia Hills District, Jowai shen kan pynlong ïa ka jingïalehkai phutbol ki khynnah skul, ïa kaba la tip kum ka ‘District Level Inter School Subroto Mukherjee Cup Football Tournament 2025’, ha madan Kiang Nangbah Stadium, Jowai.
La pyntip ba ïa kane ka lympung yn sdang naduh ka taïew ba nyngkong jong u bnai Jylliew, 2025. Ha ki lai tylli ki kyrdan kata ka Under-15 ki khynnah shynrang (Boys) bad ka Under-17 jong ki khynnah shynrang (boys) bad kynthei (Girls).
Ïa ka Entry form lah ban ïoh na ka ophis u DSO Jowai ha ki por ba long trei, kino kino ki skul kiba don jingmut ban ïashim bynta kila lah ban pynpoi ïa ki kyrteng jong ki players ha ryngkat ki
Ki dur passport Size bad ki Xerox Copy jong u Aadhaar Card bad ka Birth Certificate ba pynshisha na ka Municipal Board/CHC/PHC hashwa ka 9th May, 2025 yn nym pdiang shuh ïa kiba pynpoi hadien kane ka tarik.
Kan don ruh ka jingïalang jong baroh ki skul kiba wan ïashim bynta ka ban long haka 9th May, 2025 haka por 1 baje nohphai sngi ha Kiang Nangbah Indoor Stadium, Jowai. Ha ka por ba leh ïa ka Screening yn shah tang hapoh 20 ngut na kawei ka teams bad kin hap ban rah lang ïa ka Original Birth Certificate & Aadhaar Card haka por ba leh Screening.
Na ka bynta ka rta jong ki Players kin long kumne haka Under– 15 (Boys) ki dei kiba kha hadien ka 1st January, 2011 bad haka Under– 17 (Boys) bad Under– 17 (Girls) ki dei kiba kha hadien ka 1 January, 2009.
