Shillong, Nailur 03: Ka Shillong Government College of Engineering (SGCE) kaba don ha Mawlai Kynton Massar shen kan sa ïoh ïa ka jingmynjur na ka AICTE na ka bynta ban ïoh sdang noh ïa ki course.
Ka tyllong khubor ka ïathuh ba ka academic council of NEHU ka la ai jingbit na ka bynta ban ïoh ka jingithuh na ka bynta ka jingpule B.Tech course.
Ban pynlong ïa kane ka engineering college ban treikam pura ka sorkar ka hap ban pynïoh ïa ka jingmynjur khnang ban lah ban shah ïa Additional Director & Principal jong Shillong Polytechnic, Mawlai bad 13 ngut ki nongtrei ka Shillong Polytechnic, kiba la long kiba bit ban shakri sa kiwei pat ki kam kum ki khlieh ka jaka pule ka engineering college.
Ïa ki kam jingtei na ka bynta ka academic block, na ka bynta ki khynnah shynrang bad kynthei la lah dep bad ba la plie da u Myntri Rangbah ka jylla ha ka 1 tarik u Kyllalyngkot, 2023.
Ïa ki jingtei kum ka surok, ban pynïoh ïa ka bording, ka um sha kane ka jaka pule lah pyndep lut da ka tnat kaba dei khmih.
Kin don ki kam hikai kumba 55 ngut bad ki kam jong ki nongtrei ba la mang lypa da ka sorkar.
