Shillong, Naitung 12: U Symbud Myntri Rangbah ka jylla uba khmih ïa ka tnat Pynroi Sor u Bah Sniawbhalang Dhar ha ka sngi Thohdieng u la pyntip ba ki regional committee jong ka Meghalaya bad Assam kin sa ïakynduh shen.
Haba kren sha ki lad pathai khubor, u Bah Dhar, uba long u chairman jong ka regional committee jong ka West Jaiñtia Hills District, u la ong, “Ngin pyrshang ban ïakynduh khamkloi katba lah kum ki regional party na Meghalaya bad Assam.”
U la ong ba ka jingïaleit jurip lang sha ki jaka ba don ki jingïakajia yn lah ban leh ha ka kyrdan jong ki Myntri Rangbah.
Lah ban pynkynmaw ba ka jingaiti ïa ki kaiphod jong ki lai tylli ki Regional Committee halor ka jingïapynbeit pud la pynjlan haduh ka 30 tarik u bnai Nailur. Ïa kane la pyntip lyngba ka jingpynbna ba la pynmih da ka tnat Home (Political) ha ka 10 tarik mynta u bnai Naitung.
