‘Shano jah ka DMF? Kyrshan ka HYC & JNC ïa ka JAC Dong Namchiang

Khliehriat, Jylliew, 18: Ka Jaiñtia National Council JNC lyngba u kyrwoh na u Publicity Secretary, u bah Mebanteilang Sukhlaiñ ka pynsngew bad ong “katno tam ngi pynpaw ka jingsngewkhia halor ka jingshah ktah ki nongshong shnong ka thaiñ Narpuh ha kaba ïadei bad ka surok NH-6 kaba la jot rathai sha ba palat katba nang mih ki Sngi ki ia “Ka seng ka pynpaw ruh ba katno tam ka ktah ïa ka leit ka wan khamtam kiba pli ki khynnah skul, ki nongbylla ki nongpang bad kiwei kiwei, sa katno kane Kan sa iai long sohpdung ïaki nong shong shnong jong ka thaiñ? buh jingkylli ka JNC bad halor kane ka seng ka ai ka jingkyrshan ba pura ïa ka jingiakhi paidbah ka ba khot pynlong da ka JAC Dong Namchiang kaba la khot ïa ka jingpakhang surok kaba khlem buh por kaba yn sdang ha ka 19 tarik mynta u bnai jylliew.
“Kum ban shu pynkynmaw ba ha u snem ba ladep kata haka 13 tarik u risaw 2023, ka seng ka ladep ban ujor shaduh ka Ministry of Road Transport and Highway (MoRTH) jong ka sorkar pdeng ha kaba ïadei bad kane ka surok bad lah ioh ruh ïa ka jubab ba dei ban pynshna noh, kata ka Ministry ka la dep ban phah ïa ka NHAI ba dei ban thung Contractor noh bad na ka liang ka NHAI ka la dep ban thung daka M/s SL Infra ban maramot ïa ka surok na sonapur shaduh Ratacherra lem bad ka MR constitution ki ban trei ha baroh ka surok NH6 ha ka district, phewse kane kam shym la urlong satia haduh mynta, imat ka don aiu re aiu sha lyndet”
Ha kajuh ka por na ka liang ka seng ka buh ruh ka jingkylli shano jah ka District Mineral Funding (DMF)? kaba dei ban peit lem ïa ka eh ka shon khamtam ïa ki to kiba shah ktah ha ka jingtih mawrasong (limestone mining areas) lyngba ki Company bapher bapher. ngi ngi buh ruh ka jingkylli ba lada ïa ka DMF ki lah ban pyntreikam lane ban shna surok sha ki jaka ki bym shah ktah (non- affected areas) te kan eh aiu ia ki ban pynshna ia kane u surok bah kaba ba don ha ki jaka ba shah ktah.
“Kane ka jingleh tohmet jong ka sorkar ka la long shaba palat bad kan sa poi ka por ba ki paidbah kin sa pan jingkheiñ na ka katkum ki jingleh jong ka” ong u kyrwoh.
“Ngi naka liang ka seng ngi ai ka jingkyrshan kaba pura ïa ka jingiakhih pakhang surok jong ka JAC kaba khlem da buh por bad ka seng ruh kan sa phah ïa ki dkhot jong ka khamtam ki dkhot kiba na ka thaiñ Narpuh ban ïa don bynta lang bad kane ka jingiakhih jong ka JAC, kyntang iawai, ka Seng kan nym shong kli kti bad kan sa wad ki lad ki lynti ha ka bor barit jong ka ban leh ïa kaba donkam eh naka bynta ka bha ka miat jong ki paidbah” pynkut u kyrwoh na ka seng.
Ka Hynñiewtrep Youth Council Narpuh Circle ka ai jingkyrshan pura ïa ka JAC Dong Namchiang ha ka jingkhot pakhang surok ba khlem buh por.
“Kum ki dkhot bad ki nongshong shnong jong ka thaiñ Narpuh bad jong ka jaidbynriew hi baroh kawei, ngi sngewlehraiñ bad ngi sngewsih ban peit bad ban pyrkhat ba sa katno ka dong ka thaiñ jong ngi kan dang shah iehbeiñ ha ka sorkar ha baroh ki liang khamtam eh ha kaba iadei bad kane ka Surok bah (NH-6) ha ka thain Narpuh, East Jaiñtia Hills District bad namar kane ka surok ka dei kum u budlum jong ngi, hynrei la shu shah iehnoh beiñ khlem maramot la bun bun snem. Ngi kynduh jingeh shisha ha ka leit ka wan, naduh ki nongiew kiba ju leit sha ki ïew ki hat, ki khynnah skul bad khamtam eh kiba pang bashitom kiba donkam ban kit ïa ki lyngba kane ka surok ban pynpoi sha ki jaka ai jingsumar,” ong u kyrwoh na u Organising Secretary ka HYC Narpuh Circle, Bah Dismit Sumer.
Haba buh jingkylli ia ki nongmihkhmat ka HYC ka la ong, “hato sa katno ngin ap ba phin pynshna noh ïa kane ka surok ne haduh ba yn da jia ka jingjia ba sngewsih? Hato kata ka hok jong ngi ban ioh ïa ka surok ba bha kam don shuh mo? Hato phim iohsngew lane phim iohi mo ba haduh katno ka jot ka para kane ka surok bad ki jingshitom ba ngi iakynduh ha ka leit ka wan ba man la ka sngi ne phi lah rai kut ba phin myn pynbha shuh ïa kane ka surok?”
“Kum ki dkhot jong ka jaitbynriew bad kumjuh ruh na ka liang ka seng ngin ieng bad ngin kyrshan pura ïa kane ka jingiakhih jong ka JAC, ka jingiakhih kaba na ka bynta ka bha ka miat jong ka imlang ka sahlang bad ngi kyrpad jur ïa kipara Dong para thain ban ia snohktilang ha kane ka jingiakhih,” pynkut u kyrwoh.