Shillong, Nailar, 04: Ka MGSPHSVA, ka seng jong ki nongdie madan ka dap da ka jingshaiong ban ïohi ha ki lad pathai khubor ïa ka hukum jong ki bor synhar ka East Khasi Hills District ban khang ne weng noh ïa ki nongdie tari ot kwai, tari ot jhur bad kiwei, kiba shong die lynter ka Khyndai Lad, Jail Road .
Kine ki tari ki dei kiba la shna bad pynmih na kane hi ka Jylla bad la shna hi da ki nongshong shnong kiba tbit ha kane ka kam. Hadien ba la thaw ïa ki, ki shalan bad die ïa ki ha iew. Kane ka long ka lad aikam ïa kiba bun. Baroh ruh ngi tip ba ki nongjngoh kai pyrthei ki ju thied ïa kine ki tari kum ki dak sah kynmaw namarba ki long kiba kyrpang kiba la pynmih na kane ka Jylla, ong u kyrwoh ba la phah da u General Secretary ka Seng u Bah Shane Thabah.
“Kane ka hukum ka long pynban ka jingkhanglad ïa ka kamai jakpoh jong ki nongshna, ki nongdie bad ki nongbylla kiba trei ha ki kharkhana shna tari,” ong u kyrwoh.
Ka Seng ki nongdie madan ka sngewthuh ba ka don ka jingshong syier ha ka shnong ka thaw, hynrei ym lah pat ban pdiang ïa kane ka hukum pynduh ja. Ka Seng ka kloi ban ïatreilang bad ki bor synshar distrik ban thaw ïa ki lad ki lynti ban ïada ïa ka kamai jakpoh bad ruh ban wanrah ïa ka shongsuk shong shngaiñ, ong u kyrwoh.
