Shah tuh thuk thuk bad shah thang ki dieng

0

Shillong, Rymphang 04: Ka khubor ba la ïoh na ki pulit la ïathuh ba u Bah David Stone Marbañiang u la phah ka jingujor ba ha ka step jong ka 1 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-05AD-1034 na Mawlai Nonglum Khliehshnong, Shillong.
Ha kawei pat ka jingjia u Range Forest Officer, Social Forestry, Range Pynursla (EKH) u la phah ka jingujor ba ha ka step jong ka 2 tarik mynta u bnai, ka la don ka jingpluh ha kawei ka jaka ha Mawrympheit Umïew, Maw-U-Sam, Smit (EKH). Ha kane ka jingjia kumba 10,000 tylli ki dieng ki la ing bad ka jinglut ka la kot sha ka T. 4.7 lak. Ha ka jingtohkit la lap ba ki la don kumba 3 ngut kiba la donti ha kane ka jingjia kiba kynthup ïa u Shandrasing Khongsngi ba la 52 snem ka rta, Skhemboklang Rynjah ba la 30 snem ka rta bad Shabistar Kharkongor ba ka 40 snem ka rta. Ïa kine ki briew la aiti noh sha ki pulit.
Ha kawei pat ka jingjia ki pulit ki la ïathuh ba u Wanshai Damiat Jyrwa u la phah ka jingujor ba hapdeng ka mied jong ka 1 bad 2 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-05S-0770 na Lumdiengsoh, Motinagar, Shillong.

Leave A Reply

Your email address will not be published.