Nongpoh, Risaw 31: Ka NPYF Umsning Block mynta ka sngi kala ioh ban pynskhem ïa u Bah Anglestar Khonghat kum u President ba thymmai, shuwa ka elekshon MDC ban nang pynkhlaiñ ïaka jingtreikam jong ka party ha Umsning Constituency.
Ïa u Bah Anglestar Khonghat la wan ban pynskhem da u Bah Kitbor Nongrum President ba rangbah ka NPYF haka jylla haka jingïalang kaba la long haka shnong Sohkyndur haka jingdonlang u Bah Jayson S Mawlong President ka NPP Umsning constituency, u bah Pyndaplang Wahlang President ka NPYF Ri Bhoi District, ka kong Macdalyne S Mawlong Working President State Women’s Wing ba dei ruh ka MDC ka Umsning Constituency lem bad kiwei kiwei ki nongïalam ba hakhmat jong ka NPP bad NPYF.
Haba kren ha katei ka sngi naka liang u Bah Kitbor Nongrum u la ong ba la pyndonkam bakla ïaka ktien High Level bad kynthoh bunjait ïaka NPP hynrei kum ka party mynta kala nang pynkhlaiñ ha kylleng ki jaka bad ka jingrem ka NPP haka elekshon MP ba dang shu dep kala nang pynskuiñ shuh shuh ïaki nongïalam ban nang trei kham bha naka bynta ka bit ka biang bad ka jingmyntoi jong ki paidbah, watla ki paidbah mynta ki kynthoh lai phew jait ïaka party NPP hynrei kum ki nongïalam kin skhem haka nongrim ban shakri.
