Shillong, Nailur 19: Ki pulit ki la ïathuh ba ha ka 17 tarik mynta u bnai ha ka por kumba 9 baje mynmied, uwei u briew bym lah ban ithuh u la ktah kti ïa u Rohit Rai ba la 20 snem ka rta ha Bivar Road, Shillong. Ha kane ka jingjia utei u lanot u la mynsaw bad la pynkitnoh sha Civil Hospital Shillong.
Shuh shuh na ka liang ki pulit ki la ïathuh ba uwei u nongshong shnong ka Shillong u la phah ka jingujor ba ha ka 19 tarik u Nailar, 2024, u la thied ïa kawei ka Hydraulic Rock Breaker na ‘Korea Tech Equipment Point’ company kaba ha Bhubaneswar, Odisha bad u la siew ka pisa kumba T. 3.3 lak lyngba ka online. Hynrei haduh kane ka sngi katei ka tiar kaba u la thied kam pat poi satia sha u.
