Shillong, Naitung 29: Kawei ka kali Sorkar (Gypsy) ba don u nombar ML01-5989, kaba dei jong ka Tnat Public Works Department (PWD), ka la shah thang ha ki riewrunar ha ka step phyrngap jong ka sngi Nyngkong ha ka thaiñ Nongmensong, Shillong.
Katkum ka khubor ba la ïoh na ki pulit la ïathuh ba kane ka jingjia ka la jia ha ka por 3 baje mynstep hajan ka Post Office ha Nongmensong, Umkdait.
Ka kali ka la jot rathai bad ingkhong hashuwa ba ki bor pynlip ding kin lap ïa kane ka jingjia. Ki Pulit ki la register case halor ka jingjia bad ka jingtohkit ka la ïaid shakhmat ban ïoh kem ïa ki briew kiba donkti.
