Shah khot hajir ki nongïalam ka HYC Sohïong ba beh ïa ki nongbylla bar jylla

0

Shillong, Jylliew 25: Ki nongïalam ka HYC Sohïong Zone hapoh ka jingïalam u Bah Purning Star Shabong, ki la shah khot hajir ha ki Pulit jong ka Sadar Police Station mynta ka sngi.
Ryngkat ka jingpyrta.. “Tur shaphrang Shipai ri”, ki nongïalam ka Seng hadien ba ki la mih na Thanad, ki la ïathuh ba ka daw ba ki la shah khot hajir kadei halor ka ejahar da uwei u rangbah Khasi uba la aikam ïa ki bar jylla ban trei ha Sohïong, namar ba ki dkhot jong ka Seng ki la leit ban khynra ïa kine ki nongbylla kiba ym biang ki kot ki sla bad kiba ym shym la ïoh jingbit na ki bor Shnong. U Bah Purning Star Shabong, u la ïathuh ba ha kane ka ejahar la kynnoh ruh ba ki dkhot jong ka Seng ki la shoh la dat ïa kine ki bar jylla.
Hynrei u Bah Purning u la ïathuh ba ki dkhot jong ka Seng kim shym la ktah kti ïa kine ki nongbylla bar jylla, hynrei ki la leit bei tang ban talasi ïa ki kot ki sla.

Leave A Reply

Your email address will not be published.