Shah khang lynti ki Pnar ba mut leit shah sumar ha ki Karbi bad Assam pulit ha Tahpat

Jowai, Jylliew, 30: Ki tyllong khubor ba tikna kiba la ïoh lum na Lapangap West Jaiñtia Hills District, la ong ba hynnin ka sngi 29 tarik u Jylliew, ki nongpang na ka shnong Mooriap, Elaka Labang Nongphyllut, kiba mut ban leit sha ki jaka sumar (Hospital) kiba don ha Jowai lane ha Shillong, kila shah khang lynti ha ki Karbi bad ki pulit Assam ha shnong Tahpat ka shnong kaba marjan bad ka shnong Lapangap.
La ïathuh kitei ki Karbi bad ki Assam pulit haba kila ïohi ïa ki nongpang ba ki donkam ban leit shah sumar na ki Hospital kiba bha kiba don ha Meghalaya, pynban kine ki Karbi bad Assam Pulit kim ailad ba kin rung sha Meghalaya bad kila shah pynphai kylla shala shnong.
Ki arngut ki nongpang bad ki nongsynran jong ki kila kyrpad jur ïa kita ki Karbi bad ki pulit Assam ba kin shah ïaki ban leit thied dawai bad shah sumar ha ki Hospital kiba don ha Meghalaya, hynrei leh nohei ka jingkyrpad bad shah pynphai kylla sha ka shnong hapdeng ka jingpang ka jingjur u slap bad ka lyer la ïathuh ka tyllong khubor na uwei u riew rangbah bah B. Shadap na Lapangap.
Kane ka jinglehbor jong ki Karbi bad ki Assam pulit hynnin ka sngi 29 tarik ha shnong Tahpat, ka paw shai kdar ïa ka mynsiem bym don jingsngewlem bad ka paw ba ïa ki Khasi ki Pnar te lada ki ïap ka nang pynkmen ïa ki Karbi bad ki Assam pulit katba ïa ki Karbi pat te em.