Shah kem uwei, kurup ki BSF ïa ki mar khaïi tuh ba shongdor 28 lak
![](https://mawphor.com/wp-content/uploads/2023/12/IMG-20231202-WA0034.jpg)
Shillong, Nohprah, 02: Ki shipai BSF Meghalaya kiba la pynlong ka talasi kali ha ka sngi Thohdieng ki la ïoh bat ïa kawei ka trok kit shini kaba don ïa u nombar ML 04 C 5133. Ïa kane ka trok la bat da ki shipai BSF kiba ap pahara lyngba ka Mobile Check Post (MCP) ha surok Sonapur-Lumshnong kaba ban leit sha surok Lailong-Harai, East Jaiñtia Hills, Meghalaya.
Ïa kane ka shithi la buhrieh hapoh u shyiap bad nalor ka buhrieh ïa ki tiar jong ka NBCC.
Hadien la pynieng ïa ka kali, ki shipai BSF kiba la talasi ïa ka kali ki la lap ba la buhrieh ïa ka shini hapoh kali. Mardor, ki shipai ki la bat noh ïa u nongñiah jong ka trok namarba um shym la lah ban pyni ïa ki dulir ban kit ïa ka shini bad nalor kata la lap ruh ba la pyndonkam ïa ka kali da kaba shu tap eitmiaw ba la kit ïa ki tiar jong ka NBCC.
Ha kawei pat ka jingkhynra, ki shipai BSF Meghalaya ki la ïoh kurup ïa ki tiar khaïi be-aiñ kiba shongdor palat 28 lak ïa kiba la thmu ban shalan ruh sha ka ri Bangladehs.
Ïa u nongñiah jong ka trok bad ïa ka shini la aiti noh sha ki Pulit jong ka Umkiang Out Post ban leh ïa kaba donkam.