Mawkyrwat, Jymmang 15: Saw ngut ki snar nongtuh ki la shah kem ha ka ha ka sngi Baar mynta ka taiew na ka shnong Demnar, Mariem bad Auro ba la suba ba ki dei kiba ju mlien ban rongtuh ïa ki blang, syiar, masi, dewbilat, pipe um bad kiwei kiwei ki kam tuh kam thiem.
Ka khubor na ki Pulit ka iathuh ba ka jingïoh kem ïa ki saw ngut da ki bor shnong ka long ha ka shnong Demnar, South West Khasi Hills District najan ka Ïingmane Balang U Blei ha ka por kumba 8:30 ei ei janmiet. Ia ki saw ngut la ithuh kyrteng kum u Julian Thongnibah 30 snem bad u Jonas Thongnibah 29 snem kiba dei na Mariem, South West Khasi Hills District, u Bankitskhem Paliar 24 snem na Demnar, South West Khasi Hills District bad u Denling Wanniang 40 snem na ka shnong Sohpian, West Khasi Hills.
La ong ruh da ki bnai kum ka dorbar shnong ka ju thwet borabor ïa ki nongtuh namar ka jingjah ki blang ki masi ka ju jia khah khah tangba ym ju lap ksai ei ei
Dei tat ha ka miet sngi Baar ha ka jingpynap shrip la ïoh kem ia kine ki runar ha kaba ki la phla ba ki dei kiba ju mlien ban rong tuh na ka por sha ka por.
Ha ka jingtohkit, ki nongtuh ki la phla ba ki la byrngem ruh ïa u Acting Syiem jong ka Hima Nobosohphoh bad ki la kam ruh ba ki don sa lai ngut kiba donkti lang bad ki.
Ïa ki saw ngut ki nongtuh la aiti noh ha ki Pulit ka Mawkyrwat ryngkat ka jingujor da ka ejahar pyrshah ïa ki.
