Shillong, Rymphang, 18: Ka Youth Hostels Association of India (YHAI) Meghalaya State Branch ka la pynkup burom ïa u Chairman u Bah E.D. Nongsiang halor ka jingshah jied kum u National Vice President jong ka YHAI, India.
Ïa ka jingïalang pynkup burom la pynlong da ka Meghalaya State Branch ryngkat bad ka East Khasi Hills District Unit, Mairang Adhoc Unit bad ka Ri Bhoi District Adhoc Unit.
Ha kane ka sngi, la ai jingkren da u State President jong ka YHAI Meghalaya Branch u Bah S.L. Rapthap, kynthup ruh u Vice President Babu Kular Khongjirem ryngkat ka jingdonlang jong u Vice President ka YHAI, Meghalaya Bah A.M. Shadap, u Convenor ka Mairang Unit Bah Fabian Syiem, bad u Convenor ka Ribhoi Unit Bah Saibor Syiem, u State Secy ka YHAI Meghalaya, u Debashish Chakrabarty bad kiwei kiwei.
