SHILLONG, Lber 28: Ka long ka khubor kaba kmen bad kaba sarong ïa ka jylla, ha kaba uwei u khlur ïakhunkti (arm wrestler) ba khlaiñ ka jylla uba dei u pulit na Ri Bhoi District, u bah Alan Sun Marbaniang, u la shah jied ban mihkhmat ia ka dewbah Asia ha ka World Championship kaban long ha Birmingham, England.
Une u khlur lehkai ki pulit, un mihkhmat ïa ka India ha ka Asian Championship kaban long ha Delhi kaban sdang naduh 03 tarik Jymmang 2025 haduh 11 tarik Jymmang 2025 ha ka kyrdan ïakop kaba 90kg jong ka senior men.
Ha ka World Championship, yn mihkhmat na ka dewbah Asia kaban long ha Birmingham, England ha u bnai Jylliew bad Naitung ha ka kyrdan ïakop kaba 90kg.
