Nongstoiñ, Jylliew 30: Ka samla Aibankyrmen Wanñiang 22 snem ka rta kaba na ka shnong Siejlieh Nongstoiñ West Khasi Hills District, ka la shah jied ban leit mih khmat ïa ka jylla Meghalaya ha ka jingïakhun kti Arm Wrestling lyngba ka Meghalaya Arm Wrestling Association (MAWA).
La ong ba katei ka jingleit ïashimbynta kan dei sha ka National Arm Wrestling Championship 2025 ka ban sa long ha Thrissur, jong ka jylla Kerala, kata ha ka 28 tarik u Jylliew 2025 bad ka ban kut pat haduh ka 2 tarik u Naitung 2025, lyngba ka Youth Categories ba 50 kg.
Na ka liang ka Siejlieh Sports Social and Cultural Youth Organisation ryngkat ka shnong Siejlieh, hadien ba la ïoh pdiang ïa ka shithi lyngba ka MAWA, kum ka dak jong ka jingai mynsiem ka la kner ïa la ki kti ban ïa khublei kti ïa katei ka samla lyngba u bah G.W.Nonglang President, ka Siejlieh Sports Social and Cultural Youth Organisation ha ka jingïadon ryngkat lang bad kiwei kiwei ki dkhot ka Sports Club.
