Shillong, Rymphang 21: Ka nongkiew lum ka Jylla ka Rifiness Warjri, ka la long tang mawei ka kynthei na ki kynthei ka thaiñ thatei lammihngi ha kaba ka la shah jied ban leit kiew ïa u lum Everest.
Kane ka nongkiew lum ka Jylla kaba dei ka cadet jong ka St Anthony’s College hapoh ka NCC Group HQ Shillong, ka la shah jied hadien ba ka la lah ban pynpaw ïa ka jingtbit ban kiew ïa u lum Abi Gamin bad hadien ba ka la lah ban pyndep ha ki jingshah pyntbit ka la shah jied ban leit kiew ia utei u lum ba jrong tam ha ka pyrthei.
Kum ka kynthei kaba tang marwei ban shah jied na ka tnat North Eastern Region Directorate ka pynlong ïa ka jinglah jong ka. Kane ka pyni ia ka jingaiti lut, ka jinglah ban shah bad ka jinglah ba kyrpang jong ka.
Kane kan pynshlur shisha ïa kiba bun kiwei pat ki nongkiew lum kynthei bad shynrang jong kane ka thain ban pynpaw ia ka jingtbit jong ki bad ban long kum ki khlur kiba tyngshaiñ.
