Shiilong, Naitung 23: Ka long ka burom bad ka jingsngew sarong ïa ka jylla khamtam ïa ka skul ïewrynghep Secondary School, Mawnianglah ha kaba i wei i khynnah kynthei, kata u ïaraplang Nongrum, i ba dei i khun jong I Bah Ristarwell Warlarpih bad I Kong Dapbiang Nongrum, ba Shong ba sah ha Shnong Smit, Nongmadan i ba dang pule ha ka Class – VIII i la shah jied ban leit pyntbit ïalade sha ka Baichung Bhutia Football School (BBFS), ka ba don ha Mumbai, Maharashtra.
Ka ïaraplang Nongrum ka dei kawei na ki thei ïalehkai kynsai ba mih madan mynta ha ka lympung SSA Women’s League na ka Laitkor Sports Club.
Dang ha kane ka sngi Saitjaiñ jong ka taïew ba ladep i la lah ban btin lynti ïa ka kynhun jong ka Laitkor sha ka final jong ka Women’s League 2023 da kaba khyrwit ïa ka hat trick pyrshah ïa ka Lumparing ban jop da 4-1 kol.
Tang mar ïadep ka jingïakhun semi final hynnin ka Sngi Saitjaiñ ka la leit ïa snoh noh bad katei ka shlem ai jinghikai phutbol kaba la tip da ka , Baichung Bhutia Football School (BBFS).
