Shillong, Lber 30: Uwei na ki nongshong shnong ka nongbah Shillong u la phah ka jingujor ba ha ka 18 tarik mynta u bnai ha ka por kumba 7.32 mynmied, u la ïohpdiang ïa ka phone call, ha kaba uba phone u la bynrngem ïa u bad ïa ka ïing ka sem jong u.
Shuh shuh ha kawei pat ka jingjia ki pulit ki la ïathuh ba uwei na ki nongshong shnong ka Shillong u la phah ka jingujor ba ha ka 12 tarik mynta u bnai, uwei uba kyrteng u Rajendra Yadav, u la byrngem ïa ka tnga jong u bad kumjuh ruh ïa kiba haïing hasem jong ka lyngba ka phone.
Shuh shuh ha kawei pat ka jingjia u Paominhao Kipgen u la phah ka jingujor ba ha ka janmied jong ka 27 tarik mynta u bnai, ki runar bym lah ban ithuh ki la prong hapoh ka ïing jong u kaba ha Lumbasuk Nongthymmai, Shillong bad ki la tuh 2 tylli ki laptop, kawei ka mobile phone, bad kiwei kiwei ki tiar.
