Nongpoh, Jylliew 28: U Superintendent of Police, Ri Bhoi District, Nongpoh u la pyntip ba la lap ïa kawei ka met iap kaba la pyut ha kper jong uwei na ki nongshong shnong ha 17 mer, Ri Bhoi District ha ka 24 tarik Jylliew 2025 ha ka por kumba 8 baje eiei mynstep.
La pyntip ba la lap ïa ka met iap kaba la thiah hajan uwei u post ilektrik. Ia ka jingtohkit la pynlong ha ka jingdon lang ki heh jong ka tnad bording kum ban lap ïa ka daw jong ka jinghap jong u wire, bad kumjuh ruh la pynlong ïa ka jingtohkit ha ka jingdon lang u ophisar ka koit ka khiah bad ka daw jong ka jingiap ka dei namar ka jingshahbat bording bad ka por jong ka jingiap ka dei shibnai haduh ar bnai mynshuwa.
U tei u briew uba la khlad noh u ba ym pat lah ban ithuh u dei uba don kumba 30-35 snem ka rta, u jrong kumba 5 phut, u phong da ki jain ba kynthup ka bañian poh ba rong lieh, ka pla kieng kaba rong jyrngam ka patlun iong lem bad u panpoh ba saw.
Hadien ba la dep pyndep ïa baroh ki kyndon aiñ ïa une ïa ka metïap utei u rangbah la pynkynriah noh sha ka kamra buh metïap jong ka Nongpoh Civil Hospital ban leh ïa ka post mortem examination.
La kyrpad ia kino kino kiba don jingtip shaphang utei u rangbah bad ka jaka sah jong u ki lah ban phone ha une u number 9856084514.
