Khliehriat, Jymmang 15: Ki nongshong shnong jong ka shnong Bataw kiba hapoh ka Dong Mihsngi, lyngba u bah Ajoymeson Lyngdoh bad u bah Barister Suchiang, ki la phah da ka jingthoh sha u myntri ka sorkar pdeng, u A.T Mondal uba dei peit ïa ka tnat bor ding bad pyntip sha u halor ka jingbym pat ïoh bor ding ka ka Dong Mihsngi kaba don ha shnong Bataw, East Jaiñtia Hills District.
Lyngba ka jingthoh kitei ki ar ngut ki la kyrpad ïa u myntri ka sorkar pdeng ba un sngewbha ban tuklar lem halor ka jingbym pat ïoh bor ding electrict katei ka dong ha shnong Bataw bad ong ba ka bor dong electricit ka long kaba donkam ïa ki nongshong shnong khamtam ha ka por myn miet.
La pynpaw bad ong ba ki nongshong shnong ha katei ka dong ki kynduh jingeh bha na ka daw ka jingbym pat ïoh ïa ka bor ding, ka jingbym don bor ding ka ktah ïa ki khynnah pule kiba donkam ban pule kot ha ka por mynmiet, ka ktah ha kiba bun ki kam kiba donkam ban pyndep da kaba pyndonkam da ka bor ding electrict.
Shuh shuh, la ong ba ka jingbym don ka bor ding ka ktah ruh ïa ki kam ha ka khaïi pateng namar don ki kam kiba hap ban donkam ka bor ding electrict, ka jingbym don ka ding electrict ka wahrah ruh ïa ka jingbym shngaiñ ha ka por jan miet bad ha ka por mynmiet.
