Nongpoh, Jymmang 19: Ka Seng Hynniewtrep People’s Front, Ri-Bhoi District hapoh ka jingïalam jong u Bah Apbor Nongrum President bad u Joyfulson Tmung Secretary kila leit ban ujor syndon da u Deputy Commissioner (Supply) halor ka jingkiew dor palat ka Umphñiang sharak kaba la ktah shi katdei ïaki nongsam umphñiang bad kumjuh ruh ki paidbah. Naka liang ka seng kala aiti ruh da ka jingthoh sha u Deputy Commissioner (Supply) ban peit lem ïaka jingeh ki paidbah khamtam ban pynhiar ïaka dor namar ka jingshem jingeh bad duhnong ki nongsam umphñiang nalor ka bai kali kaba ki hap ban pynlut haka por ba leit shim bad bun naki longiing ba duk kim kot bor shuh ban thied ïaka umphniang sharak kaba dei naka bynta ki BPL.
