SHILLONG, Nohprah 08: Ka All Meghalaya Karate-Do Association (AMKA) ka dap da ka jingsngew sarong ban pynbna ba ka la sei ïa 18 ngut ki khynnah ïalehkai Karate kiba la shah jied ban mihkhmat ïa ka Jylla sha ka lympung ïalehkai 68th National School Games 2024-25.
Kine ki 18 ngut ka kynthup ïa 10 ngut ki khynnah shynrang bad 8 ngut ki kynthei bad ïa ka kynhun yn ïalam da u Bah Donboklang Lyngdoh, Bah Arjun Sewa, Bah Glikerius Buhphang bad ka Kong Miss Barisha Kharbani.
Kane ka National School Games 2024-25 kaba hynriewphew phra kan sdang naduh mynta ka 09 tarik Nohprah haduh ka 15 tarik u Nohprah, 2024 ha New Delhi.
Na ka liang jong ka AMKA ka pynpaw ïa ka jingsngewnguh kaba khraw ïa ka tnad Sports jong ka Sorkar jylla Meghalaya, kaba la ai ka jingkyrshan khlem sangeh bad kaba la pynsuk ïa ka jingïashimbynta jong ka kynhun ha kane ka lympung.
Ka synjuk ka kitbok kitrwiang ruh ïa ki nongïalehkai ba kin lah ban leh bha ha ka jingïalehkai bad ka ngeit skhem ba ka jingjop jong ki kan long ka jing sarong ïa ka jylla.
Kine ki long ki kyrteng jong ki khynnah ïalehkai Karate kiba la shah jied ban mihkhmat ïa ka jylla:
Shynrang:
1 Eric Banteinam Ryngnga – Individual Kumite -35 Kgs
2 Badondor S Ryntathiang – Individual Kumite -40 Kgs
3 Bameshanlang Sawkmie – Individual Kumite -45 Kgs
4 Ferrando Wanniang – Individual Kumite -50 Kgs
5 Mehashuanki Buhroy – Individual Kumite -54 Kgs
6 Athokpam Ethan Sanglien Khawbung – Individual Kumite -58 Kgs
7 Daniel Dabiangbha Warjri – Individual Kumite -62 Kgs
8 Aventinus George Mylliem – Individual Kumite -66 Kgs
9 Abhradeep Aguan – Individual Kumite -70 Kgs
10 Nowmi Mayer F Ryngkhlem – Individual Kumite -74 Kgs
Kynthei:
11 Sandasuklang Myrthong : Individual Kumite -32 Kgs
12 Phibanylla Eleanora Thongni : Individual Kumite -40 Kgs
13 Esaranaki Kharjana : Individual Kumite -44 Kgs
14 Dominica Phidahun Kharbani : Individual Kumite -48 Kgs
15 Mebapynhun Marngar : Individual Kumite -52 Kgs
16 Sa-I-Banmanbha S. Blah : Individual Kumite -56 Kgs
17 Emika D. Myrthong : Individual Kumite -60 Kgs
18 Sherry Pangniang : Individual Kumite -64 Kgs
