Nongpoh, Naitung 04 : Uwei u Pulit Pahara jong ka Phatok ha Ri-Bhoi District kaba don ha Mawsyntai, ula dkhat jubor ïa la ka jong ka jingim da kaba sdien ha u tyllai phasi ha kane ka phatok.
Kat kum ka khubor ba ïoh lum, kane ka jingjia kla jia mynta ka sngi Ba-ar hynrei ym shym la lah pat ban pynthikna ïa ka por ba ka jia.
La ïoh jingtip ruh, ba ïa ka met jong u tei u pulit pahara ka District Jail la rah ban leh ïa ka post mortem hapoh ka Nongpoh Civil Hospital.
Haba la pyrshang ban wad jingtip halor kane ka jingjia, na u Superintendent of Police (District Jail), ym shem la ïoh satia ïa ka jingtip kaba tikna namar u ne u SP (Jail) u la pyntip ba u don hapdeng ka shuti (On Leave).
