Nongstoiñ, Nailar 18: Ka HYC Nongstoiñ Circle ha ka jingïalam jong u samla Redyfernandy Sun General Secretary bad u samla Wadbor Nonglang Education secretary ryngkat lang ki dkhot ka seng, ki la ïoh ban leit jurip ïa kawei na ki jaka sah jong ki khynnah skul JNV Nongstoiñ West Khasi Hills District.
Katei ka jingleit jurip seng ka long hadien ka jingïoh jingtip ba ka don kawei ka jaka sah jong ki khynnah pule ba dang shu dep shna dang khyndiat snem, hynrei mynta pat la jot bad pra kaba la wanrah ka jingma lada ki khynnah skul ki sah ha katei ka jaka.
Ki la ïoh ban leit peit man ki kamra bad ki la ïoh ban kynduh ruh ïa u Principal katei ka jaka pule ban ïoh kylli bniah halor kane ka jaka sah. Na ka lïang jong u Principal u la ong ba na ka liang jong u ruh um don jingtip tikna halor kane mano ba pyntrei namar na ka liang jong u ruh u dang shu wan.
Na ka liang ki Nongïalam ka seng ki la ong ba halor kane ka jingtrei torti jong utei u contractor ka Seng kan sa wad bad buddien ban lap mano ba pyntrei bad kam ailad satia, u hap ban pyntrei bad shna biang, ong u samla Redyfernandy Sun General Secretary HYC Nongstoiñ Circle.
