Jowai, Jylliew 30: Ka lyngpung ïalehkai phubol jong ka kyrdan 3rd Division 2025 League Stage, bala pynïaid da ka East Jaiñtia Hills District Football Association (EJHDFA) kala sdang hynne ka sngi ka 30 tarik u Jylliew, 2025 ha madan Artificial Turf Diengshynrum, Khliehriat East Jaiñtia Hills District.
Ïa kane ka lympung la wan ban plie pyrda da u ma D H Malang kum u kongsan, haka jingdonlang u symbud kongsan ma Wilbert Nongtdu, nalor ki members, ki nongkitkam jong ka Club bad ki paidbah kiba la wan ban sakhi ïa ka jingïalehkai.
Haba phai sha ka jingïakhun kaba nyngkong ka Narwan SCSC kala jop da 3-0 ïaka Teilang SCSC Lummyrly. Ïa kitei ki kol la thep da u Shiborlang shadap haka minit ba 17, u Jimris Langstang haka minit ba 61 bad Arhowni Shadap haka minit ba 72.
Haka jingïalehkai kaba ar ka Youngstar SCSC Huroi kala pynliem da 4-2 kol ïaka Mookhep SCSC, ïa kitei ki kol na ka Youngstar SCSC la thep da u Wallamborlang Lamin Gadew haka minit ba 11 & 50, u Defirent Surong haka minti ba 47 bad u Rining Nongpoh haka minit ba 48. Katba ïaki kol na ka Mookhep SCSC la thep ar kol da u Dilas Dkhar haka minit ba 16 bad 75.
Katba ha ka jingïakhun kaba lai ka kynhun ïalehkai jong ka Tongseng SYSC kala jop da 2-0 ïaka Umlong SCSC. Ïa kitei ki ar kol na ka Tongseng SYSC la thep da u Niyos Suchen haka minit ba 49 bad 63.
