Shillong, Nailar 31 : Ka lympung ïalehkai badminton ba la pynïaid da ka East Khasi Hills Badminton Association kaba la tip kum ka 6th East Khasi Hills District Badminton tournament ka la sdang ha ka sngi Balang ha Indoor Stadium, Polo, Shillong.
Ïa katei ka lympung ba la pynïaid da ka East Khasi Hills District Badminton Association ha ryngkat ka jingïatreilang ryngkat ka ophis u District Sports Officer ka East khasi Hills la plie pyrda da u Dr. C. O. Rangad uba dei u Senior Vice President ka Meghalaya State Badminton Association uba dei ruh u adviser jong ka EKHDBA ha ka jingïadonlang ki nongkitkam bad dkhot jong ka EKHDBA.
Ha katei ka lympung kaban kut da ka jingïalehkai final kaban long ha ka 3 tarik Nailur la wan ban ïashim bynta da 128 ngut ki nongïalehkai bad kan don baroh 98 sien ki jingïakhun.
Haba phai sha ki nongjop ha kane ka sngi sdang ha ka liang ka jingïalehkai ba para marwei ki shynrang, u Stephan Marweiñ u la pynliem ïa u Balajied Kurkalang da 21-13, 21-9, u Mewan Shadap u la jop da 20-22, 17-21 ïa u Steve Nongsiej, u Basankupar Kharbuki u la jop da 21-17, 21-7 ïa u Rishan RM Syiem.
U Aiborlang Rane u la jop ïa u D. Mukhim da 21-4, 21-4, u Ratul Rabha u la jop ïa u Kenethkitbok Majaw da 14-21, 23-21, u Dwigbijoy u la jop da 21-17, 21-11 ïa u Ashley D Nongkhlaw, u Jordan Myrphet u la jop ïa u Pynskhemlang Jyrwa da 21-14, 21-11 bad u Khrawkupar Marweiñ u la jop da 21-6, 21-15 ïa u F. Hujon.
Ha ka kyrdan U-19 (Boys), u Jordan Myrphet u la pynliem da 21-13, 21-13 ïa u Mewanpyntngen, u Kenan Jomaia u la jop ïa u Xavier Tariang da 21-16, 21-14, 15-21, u Bapura u la pynliem ïa u Babitlang da 21-13, 22,20, u Vivian u la pynliem ïa u Mintu da 21-12, 21-11, 19,21 bad u Stephan u la jop da 28, 26, 23-21 ïa u Menangseibor.
Ha ka jingïalehkai Doubles, u Khrawkupar/Basan ki la pynliem ïa u Bisharlang-Wasborn, u Dwigbijoy/Aiban ki la jop ïa u Ratul/Rishan, u Raresh/Shubhador ki la jop ïa u Fitzerald/Kevin, u Steve/Namelawan ki la jop ïa u Ranald/Babiang bad u Sankupar/Keneth ki la pynliem ïa u Balajied/Pynskhemlang.
