Jowai, K’lyngkot 02: Ka Dorbar Shnong Pdengshakap ka la ïoh ban sdang biang ïa ka lympung ïalehkai Football kaba la ai kyrteng ka “10th Secondary School Football Knock-Out Tournament” kaba la ju pynlong manla u snem bad ïa kane ka lympung la sdang ïaka ha kane ka 30 tarik u Nohprah, 2023 ha madan Pdengshakap West Jaiñtia Hills District.
Ïa kane ka lympung la wan ban plie pyrda da u ma W. Chyrmang kum u Kongsan, ha ka jingïadon ryngkat ki rangbah kane ka thaiñ, ki dkhot jong ka Football Committee, ki paid nongshong shnong kum juh kiba shah khot sngewbha ban sakhi lang ïa kane ka tournament.
U kongsan haba ai jingkren ha kane ka sngi ula ïaroh bad kitbok kitrwiang ïa ki nongpynïaid jong kane ka lympung khnang ba kan long kaba ïaid beit iaid ryntih bad kan long kaba jop bad seisoh.
Ha ka jingïalehkai la wan ban ïakhun nyngkong hapdeng ka Siangkhnai FC pyrshah ïa ka Nangbah Mulang SC, ha kaba ka Nangbah Mulang SC kala jop da 3-0 kol. ïa kitei ki kol la ïoh ban thep da u Elizer Suiam haka minit kaba 45 bad 70 bad u Dashngain Sukhlaiñ haka minit kaba 48.
