Nongstoiñ, Naiwieng, 16: Ka ophis jong ka District Medical & Health Officer (DMHO) West Khasi Hills, Nongstoiñ kan plie bad pynlong ïa ka Social Awareness and Action to Neutralize Pneumonia Successfully (SAANS) Campaign ha ka 19 tarik mynta u bnai Naiwieng 2024 hapoh ka Conference Hall ophis jong ka DM&HO Nongstoiñ kaba dei ruh artad ka sngi rakhe ïa ka World Pneumonia Day.
Kane ka prokram kan bteng bad kut haduh ka 28 tarik u Rymphang 2025, da ka jingthmu ban pynstet ban leh eiei ïa kane ka jingpang Pneumonia ne jingpang ha ki tor ha ki khyllung khynnah kiba naduh 0 haduh 5 snem ka rta.
Ha kaba ïadei bad kane yn pynlong ïa ki jingpynshai (Awareness) kumno ban ïada, ban ïakhun pyrshah bad ban ai jingsumar ïa kane ka jingpang, da kaba pynsngewthuh ruh ïa ki kmie ki kpa ki nongsumar ïa ka jingjakhlia bad jaboh jong ka lyer, kaba ktah ïa ki khynlung khynnah bad kumno ban pynshlur ban ai jingïada lyngba ka Injection.
