SHILLONG, ïaïong 25: Ka BK Bajoria School ka la pynliem noh ïa ka St Anthony’s School da 8 wiket ha ka Quarter final jong ka lympung Inter School Under 15 Cricket Tournament 2026 ba la pynïaid da ka Shillong Cricket Association.
Haba kam trai ban tied nyngkong hadien ba jop ïa ka jingkynting pisa (toss) ka St Anthony’s School ka la lah ba kan kamai 73 ron bad khyllem 7 wiket haki 15 ober. La lamkhmat ïa ka tied da u Advik Chanda (24 ron naki 31 bol) bad u Arnav Rai (17 ron naki 17 bol). Nangta u Samarth Pathak u la khur 3/9 naki 3 ober, katba u Aryan Sunar u la khur 2/9 naki 3 ober.
Ka BK Bajoria School ka la pyndep ïa ka kamram da kaba hap tang 2 wiket ban kynjoh 76 ron haki 12.5 ober. Ki nongtied kiba kongsan ki long u Abhishek Das (31 ron naki 37 bol. ïa ka khusnam Player of the Match la khur da u Samarth Pathak.
