Shillong, K’ Lyngkot 30: Ka KSU lyngba ki tnat treikam jong ka, ka la bteng ban sam ïa ki kot lyngkdop kiba pynshai halor ka Aiñ MISPF bad kumno kane ka aiñ ka long ïakjakor ïa ka snap bad ka hok u paid Khasi ha la ka jong ka Ri bad ka khyndew ka shyiap.
Kane ka jingsam kot lyngkdop ka long sha ki riew paidbah kynthup ïa ki nongshong ïew, ki nongniah kali, ki samla pule bad kiwei.
Kane ka jingsam ïa kitei ki kot lyngkdop ka la long ha ki thaiñ Mawlai, Nongmensong bad Laitkor, ong ka kyrwoh ba la phah da u Bah Pynshai Rani Information and Publicity Secretary ka KSU CEC.
