Shillong, K’lyngkot, 28: Ka Meghalaya Pradesh Congress Committee (MPCC) ha ka sngi Saitjaiñ ka la pynbna paidbah sa san ngut ki kyrtong ki ban aireng ha ka elekshon sha ka Iingdorbar Thawaiñ jong ka Jylla ka ban sa long ha ka 27 tarik u Rymphang, 2023.
Kine ki san ngut ki kyrtong ki long ka Kong Jhanika Siangshai na Khliehriat, u Bah Arbiangkam Kharsohmat na Amlarem, u Chireng Peter R. Marak na Kharkutta, Dr. Tweel K. Marak na Resubelpara bad Carla R. Sangma na Rajabala.
Dang shen ka Seng Congress ka la pyllait paidbah ïa ki 55 ngut ki kyrtong ki ban ïakhun ïa ka elekshon. Da ka jingpynbna paidbah mynta ka sngi ïa ka kyrteng jong ki san ngut, ka Congress kan pynïakhun ha baroh 60 tylli ki Constituency.
