Mawkyrwat, Jylliew 06: Ka Shillong Lajong Football Club mynta ka sngi ka la ïoh rung sa ha ka Semi Final bad kan sa ïa kynduh pyrshah ïa ka Rangdajied United Football Club ha ka 13 tarik u Jylliew, 2023 ha madan Artificial Turf, MDSA, Mawkyrwat, South West Khasi Hills District.
Ka jingïoh rung jong ka Shillong Lajong FC sha ka Semi Final ka dei hadien ba ka la lah ban pynliem noh ka Riangdo YSCA da 2 – 0 kol ha ka lumpung ïalehkai kynjatbol jong ka Meghalaya State League (MSL) ha Mawkyrwat Zone.
Lah ban kdew ba ïa ki ar tylli ki kol jong ka Shillong Lajong FC la ïoh ban thep da u Shano Tariang bad u Santijanai Shianglong.
